"Саяхаттан самса жемеңдер": Алматыда самсаның үстінде жүрген тышқанға байланысты тексеріс басталды (видео)

Тұрғындардың шағымынан соң санитар дәрігерлер тамақтану орнын тексерді. Видеода тышқан самса, бәліштердің үстінде жүріп, жеп жатқаны көрсетілген. «Жігіттер, «Саяхаттан» самса жемеңдер. Тышқан аралап жүр», – дейді видео авторы. Осыдан кейін Алматы қаласы Жетісу ауданы Санитарлық-эпидемиологиялық бақылау басқармасының мамандары «Саяхаттағы» дүңгіршекті тексерді. Алматы санитарлық-эпидемиологиялық бақылау департаменті басшысының орынбасары Сәдуақас Байғабылов: «Видеода көрсетілгендей тышқан жүрген «Донерная» дүңгіршегі Сүйінбай, 2 мекенжайындағы «Мерей» сауда орталығының аумағында орналасқан. Жұмысшылар киоск ішінде жабдықтарды қайта жөндеді. Дүңгіршек бүгінде жұмыс істемейді», – деп жауап берді.

 

View this post on Instagram

 

A post shared by @kris_p_almaty +21 | kz 🇰🇿 (@kris_p_almaty)

Еркебұлан

Журналист

Автор мақалалары