Бүгін, 14:11
Мемлекет басшысының Жарлығымен Саясат Нұрбек Қазақстан Республикасының Ғылым және жоғары білім министрі лауазымына қайта тағайындалды, деп хабарлайды kznews.kz.
Бұл туралы Ақорданың баспасөз қызметі хабарлады.
Бұған дейін Құрылтайдың цифрландыру, инновациялар және ғылым комитеті Саясат Нұрбектің кандидатурасын Ғылым және жоғары білім министрі қызметіне тағайындауға келісім берген.
Құрылтайдың баспасөз қызметінің мәліметінше, бұл мәселе "Қазақстан Республикасының құрылтайы және оның депутаттарының мәртебесі туралы" конституциялық заңның 30-бабына сәйкес қаралған.
