23 қараша, 2025
Елімізде өткен форумдардың бірінде мінберге көтерілген Қытай инвесторы көпшілікті таңғалдырды. Ол сөзін қазақ тілінде бастап, аудиторияның ерекше ықыласына бөленді, деп хабарлайды kznews.kz.
Инвестордың айтуынша, қазақтың тұрмыс-тіршілігі мен дәстүрлеріне әбден үйреніп кеткен.
«Менің қазақ сияқты шай ішпесем басым ауырады. Соғымға бір сиыр соямыз», – деп қалжың аралас айтқан сөзі залдағылардың жылы қабылдауына ие болды.
Дегенмен бұл оқиға желіде екі түрлі реакция туғызды. Желі қолданушылардың бір бөлігі мұны қуана қабылдап, «қазаққа көрсетілген құрмет» деп бағаласа, енді біреулер керісінше, бұған сақтықпен қарап, «бұл қуанатын жайт емес» деген пікір білдірді.
