8 қаңтар, 2026
8 қаңтарға қараған түні пышақ жарақаттарының салдарынан Қызылорда қаласының тұрғыны және оның 34 жастағы қызы көз жұмды, деп хабарлайды kznews.kz.
Қызылорда облысы полиция департаментінің мәліметінше, оқиға туралы полицияға қаза тапқандардың көршілері хабарлаған.
Оқиға орнына жедел жеткен патрульдік полиция экипажы күдіктіні қылмыс орнында ұстады.
"Ұсталған азамат жәбірленушілердің көршісі. Аталған дерек бойынша адам өлтіру дерегі бойынша қылмыстық іс қозғалды", - делінген хабарламада.
Қазіргі уақытта барлық қажетті тергеу әрекеттері жүргізілуде. Күдікті уақытша ұстау изоляторына қамауға алынды.
Оқиғаның мән-жайы анықталуда.
Тергеу мүддесіне байланысты өзге ақпарат жария етілмейді.
Сотқа дейінгі тергеп-тексеру барысы Полиция департаменті басшылығының бақылауында.
