1 сәуір, 2022
Қызылорда облысы әкімінің орынбасары Қайрат Нұртай барша мұсылман қауымы үшін қасиетті – Рамазан айы қарсаңында имамдармен кездесті, деп хабарлайды "Адырна" ұлттық порталы.
Кездесу барысында «Рамазан» айының басталуымен құттықтап, мұсылман қауымы мен мешіт жамағаттарының ізгі амалдары, дұға-тілектерінің қабыл болуына ниет білдірді.
Сонымен қатар, Мемлекет басшысының биылғы Жолдауындағы негізгі міндеттер мен басымдықтарға түсіндірме жасап, Жаңа Қазақстанды құрудағы алғышарттарды атап өтті.
Облыс имамдарының қоғам тұрақтылығын сақтаудағы үлестеріне ілтипат білдіріп, елдікті сақтау, тұрақты дамуға бірге үлес қосуға шақырды.
Кездесу соңында аймақтың діни тұрақтылығын сақтауда атқарар бірлескен шаралар бойынша пікір алмасып, имамдар өз кезегінде облыс әкімінің орынбасарына қызметіне сәттіліктер тіледі.
