11 наурыз, 2023
Қытайлық хирургтар бір жасар қыздың миынан егізінің ұрығын алып тастады деп хабарлайды Kznews.kz ақпарат агенттігі Gazeta.ru сайтына сілтеме жасап.
Қыздың ата-анасы баланың басы үлкейіп, моторикамен қиындықтары пайда болғанын байқап, ауруханаға апарады. Нәтижесінде оның миында 10 см-лік ұрық бар екені анықталды.
Дәрігерлердің айтуынша, ұрық өсіп, аяқ-қолдары мен сүйегі, тіпті тырнақтары өскен. Бұл ұрық қан айналым жүйесі мен қыздың қан айналым жүйесінің бірігуіне байланысты болуы мүмкін.
Медицинада “ұрық ішінде ұрық” деген термин бар. Бір ұрық екіншісінің денесінде өседі. Әлемде 200-дей осындай жағдай орын алған. Ұрық ауыз қуысы, жамбас, ішек жолдарында анықталады. Осы уақытқа дейін 18 адамның миында егіз ұрық табылды. Нәрестелерден бөлек, тіпті ересек болған кезде де бұл анықталып жатады.
