Қырғызстанның Ош облысында күйеуінен соққы көрді деген күдікке ілінген 37 жастағы әйел ауруханада қайтыс болды, деп хабарлайды kznews.kz.
Ош облыстық ішкі істер басқармасының мәліметінше, 1989 жылы туған Н.Г. 17 тамызда басы, беті және денесінің өзге де бөліктерінен жарақат алып, Қара-Құлжа аудандық ауруханасына жеткізілген. Алдын ала болжам бойынша, әйелді 48 жастағы күйеуі ұрған болуы мүмкін.
Бұған дейін әлеуметтік желіде әйелдің денесіндегі жарақаттар көрсетілген видео тарап, көпшіліктің наразылығын тудырған.
Алғашында іс Қылмыстық кодекстің «Денсаулыққа жеңіл зиян келтіру» бабы бойынша тіркелген. 29 тамызда дәрігерлер әйелдің қайтыс болғанын хабарлады.
Қазір оның өлімінің нақты себебін анықтау үшін сот-медициналық сараптама тағайындалды. Тергеу аяқталғанша әйелдің өліміне күйеуінің әрекеті себеп болғаны ресми расталған жоқ.