Бүгін, 18:56
Саясаттанушы Ғазиз Әбішов Орталық сайлау комиссиясы жариялаған алдын ала дауыс нәтижелері негізінде Құрылтайдағы 145 мандаттың қалай бөлінетінін болжады, деп хабарлайды kznews.kz.
«Әділет» — 110 мандат
«Ауыл» — 10 мандат
Respublica — 9 мандат
«Ақ жол» — 8 мандат
ЖСДП — 8 мандат
Әбішов есептеуді «Сайлау туралы» Конституциялық заңның 97-1-бабындағы мандаттарды бөлу тәртібіне сүйеніп жасаған.
Алдымен 5 пайыздық межеден өткен бес партияның дауыстары қосылған. Олардың жалпы көрсеткіші 8 560 341 дауыс болды. Бұл сан 145 мандатқа бөлінгенде бір мандатқа шаққандағы квота 59 036,83 дауыс болған.
Бастапқы есепте 142 мандат бөлінген. Қалған үш орын партиялардың бөлінбеген дауыс қалдықтарына қарай үлестірілген. Соның нәтижесінде жоғарыдағы бөлініс шыққан.
Осы есеп бойынша «Әділет» Құрылтайдағы 145 орынның 110-ын иеленіп, басым көпшілікке ие болуы мүмкін.
