Бүгін, 10:53
«Қазақстан темір жолы» ұлттық компаниясы» АҚ басқарма төрағасы Талғат Алдыбергенов қызметінен босатылды, деп хабарлайды kznews.kz.
Компанияның баспасөз қызметінің хабарлауынша, мұндай шешімді ұлттық компанияның жалғыз акционері – «Самұрық-Қазына» АҚ қабылдаған. Соған сәйкес Талғат Алдыбергеновтің басқарма төрағасы ретіндегі өкілеттігі ресми түрде тоқтатылды.
«Жалғыз акционердің шешімімен «Қазақстан темір жолы» ҰК» АҚ Басқарма төрағасы Талғат Сағиұлы Алдыбергеновтің өкілеттігі тоқтатылды», – делінген ресми хабарламада.
Қазіргі уақытта ұлттық компанияға жаңа басшының қашан тағайындалатыны және бұл қызметке кімнің келетіні әзірге жарияланған жоқ. Компания тарапынан өзге мәлімет берілген жоқ.
