28 наурыз, 2023
Qnet қаржы пирамидасын басқарған күдікті Алматыда ұсталды, деп хабарлайды қаржы мониторингі агенттігі.
Алматы бойынша АФМ департаменті прокуратурамен бірлесіп Оңтүстік мегаполис аумағында Qnet қаржы пирамидасын басқару фактісі бойынша күдіктіні ұстады. Ол азаматтардан ақша жинаған, - делінген хабарламада.
Qnet қызметі желілік маркетинг және электрондық коммерция ретінде жасырын келген. Бірқатар шет елдерде Qnet қаржылық пирамида ретінде танылды. Сондай-ақ, оны Қаржы нарығын реттеу және дамыту агенттігі қаржы пирамидасының белгілері бар компаниялар тізіміне енгізді.
Алматының мамандандырылған тергеу соты күдіктіге қатысты екі айға қамауда ұстау түріндегі бұлтартпау шарасына санкция берді. ҚР ҚІЖК-нің 201-бабына сәйкес өзге ақпарат жариялауға жатпайды.
фото: pexels