19 тамыз, 2025
Мүфтияттың мәлімдеуінше, конкурс қажыларға қолайлы жағдай жасау және әділ бәсекелестікті қамтамасыз ету мақсатында жарияланып отыр. Іріктеу «Үміткер туроператорларға қажылық орындарын бөлудің ережесі» негізінде жүргізіледі.
Туроператорларға қойылатын негізгі талаптар:
- ҚМДБ-ға ресми өтініш хат жолдау;
- ҚР заңнамасына сәйкес лицензия мен қосымшасының болуы;
- Салық органдарында тіркелгенін және төлемдердің жүргізілгенін растайтын құжаттар;
- Қажылық пен ұмраны ұйымдастыруда кемінде 5 жыл тәжірибесі барын дәлелдейтін құжаттар;
- ҚР заңдарын және Сауд Арабиясы Корольдігі талаптарын бұзбауы;
- Қазақстан аумағында халыққа сапалы қызмет көрсете алатын кеңсесінің болуы.
ҚМДБ мәліметінше, құжаттар 2025 жылғы 18–31 тамыз аралығында hajj@muftyat.kz электронды поштасы арқылы қабылданады. Белгіленген мерзімнен кеш тапсырылған өтініштер қаралмайды.
