Әлеуметтік желіде Петропавл қаласының тұрғыны түсірген видео тарады. Онда ол «қазақтар орыстарды қазақ тілін үйренуге мәжбүрлейді» және «Петропавлды Кызылжар деп атау – ұлттық қысымның белгісі» деген пікір білдіреді.
Видеодағы әйелдің айтуынша, соңғы уақытта Instagram мен тікелей эфирлерде қазақтар орыс тілді тұрғындарды қазақ тілін оқуға мәжбүрлеп, тіпті Ресейге көшуге үндейді.
Сондай-ақ ол «Петропавлды ресми түрде ешкім Кызылжар деп өзгертпеген, сондықтан оны солай атау дұрыс емес» деп мәлімдейді.
«Біздің Петропавлда ұлттық төзбеушілік көбейіп барады. Қазақтар орыстарды қазақша үйренуге мәжбүрлейді, болмаса Омбы мен Тюменьге кетіңдер дейді. Бұл әділетсіздік», – дейді бейнежазба авторы.
