Қазақстанның халықаралық резервтері 88 млрд долларға жуықтады

Фото: ашық дереккөзден

Астана, BAQ.KZ. Жыл басынан бері Қазақстаннның халықаралық ерезрвтері шамамен 2% төмендеген. Бұл жөнінде LS порталы хабарлайды.

Ұлттық банктің ақпараты бойынша, 2018 жылдың 1 желтоқсанында Ұлттық қор активтерін қоса алғанда, елдің халықаралық резервтері 87,78 млрд долларды құраған. Осылайша, бұл көрсеткіш 1,73% қысқарған. 2017 жылдың соңында ол 89,33 млрд долларды құраған болатын.

Бұл кезде, максималды қор қаңтар айының соңында болған – 90,69 млрд доллар. Ең азы қазан айында – 84,66 млрд доллар.
Сонымен қатар, жалпы халықаралық резервтер жыл басынан бері 2,71% құлдырап, 1 желтоқсанда 30,15 млрд долларды құраған.

Ұлттық қор активтері де жыл басынан бері 1,21% қысқарған. Ұлттық банктің соңғы мәліметі бойынша, 1 желтоқсанда ол 57,62 млрд долларды құраған. Ал жыл басында 58,33 млрд доллар шамасында болған. Активтер қаңтар айының басында үлкен көрсетеішке жетіп, ол 59,35 млрд доллар шегінде болған.

Біздің Telegram-парақшамызда Қазақстанның маңызды жаңалықтары. Жазылыңыздар!