22 желтоқсан, 2019
Қысқа сілтеме алу
Қазақстанның бірнеше аймағында ауа райы бұзылды, бұрқасындатып, тұман түсуіне байланысты тас жолдар жабылды
НҰР-СҰЛТАН, 22 желтоқсан – Sputnik. Қазақстанның бірнеше облысында жолдың нашар көрінуі салдарынан республикалық маңызы бар тас жолдар жабылды.
"Қазавтожол" ұлттық компаниясының мәліметінше, Алматы –Ташкент – Термез (Кенен елді мекені – Қайнар ауылы) учаскесінің 158-238 километрінде жол жабылды. Айналма жол Қордай ауылы арқылы өтеді. Алматы – Ташкент –Термез тас жолының 546-593 километрі мен Күйік асуы (594-634 километр) да уақытша жабылған.
Тағы оқыңыз: Қазақстанның бірнеше өңірінде дабылды ескерту жарияланды
Сонымен қатар, Қарағанды облысында Екатеринбург – Алматы тас жолының бір бөлігі жабылды (Қарағандыдан Балқаш қаласына дейін 1505-1858 километр).
Айта кетейік, Алматы облысы төтенше жағдайлар департаментінің мәліметінше, ауа райының нашарлауына байланысты Талдықорған жолы – Қапал ауылы (0-48 километр) учаскесінде көлік қозғалысы тоқтатылды.
35°C аяз: синоптиктер желтоқсанда ауа райы қандай болатынын айтты
sputniknews.kz
