9 сәуір, 2020
Қазақстанға аспан асты елінен 10 тәжірибелі дәрігері келді. Бірнеше сағат бұрын Нұр-Сұлтанға 5 тонна медициналық құрал-жабдықтар, сондай-ақ жеке қорғаныс құралдары жеткізілді. Сонымен қатар, Қытай біздің елге 10 дәрігерін жіберді. Олардың барлығында COVID-19-бен күресу тәжірибесі бар деп хабарлайды Stan.kz ақпарат агенттігі КТК арнасына сілтеме беріп.
"Бізге 10 әріптесіміз келеді. Бұл жетекші мамандар: пульмонологтар, реаниматологтар, денсаулық сақтау саласындағы сарапшылар. Олардың елде болу бағдарламасы 15 күнге жоспарланған. Бағдарламада коронавирустық инфекциямен ауыратын науқастарды емдеу диагностикасы, сондай-ақ қоғамдық денсаулық сақтау мәселелері талқыланады", - дейді Камалжан Надыров, ҚР Денсаулық сақтау вице-министрі.
Дәрігерлер эпидемиологиялық жағдайға қолайсыз елден келгеніне қарамастан, карантинге жабылмайды. Керісінше, олардың бағдарламасына үш қаланы аралау кіреді: Нұр-Сұлтан, Қарағанды және Алматы. Мамандар өздерімен бірге жұқтырған адамдарды емдеуге арналған дәрі-дәрмектерді Қазақстанға алып келді. Бұл дәрі-дәрмектер, дәрігерлердің пікірінше, ерекше тиімділік көрсетті.
"Біз тәжірибемізбен бөлісу үшін Қазақстанға келдік. Біз өз әріптестерімізге осы аурумен қалай күресуге болатынын үйреткіміз келеді. Біз бәрін бірге жасаймыз. Бәріміз барлық қиыншылықтардан бірге өтеміз", - Лу Чен, Қытайдың Шыңжаң провинциясының 2-ші халық ауруханасының бас дәрігерінің орынбасары.
stan.kz
