Аса ауыр салмақта жұдырықтасатын қазақстандық Жан Кособуцкий Минскте өткізген жекпе-жегінде қарсыласын үш рет нокдаунға түсірген - техникалық нокауттың видеосы пайда болды, - деп хабарлайды Vesti.kz.
30 жастағы қазақстандық Босния және Герцеговинадан келген 29 жастағы Срджан Говедарицамен (6-7, 3 КО) жұдырықтасты. Кездесу алғашқы раундта-ақ аяқталды.
Кособукийдің сөзінше, ол бойы екі метр қарсыласпен жекпе-жекті жылдам аяқтауға тырысқан.
Еске салайық, Жан Кособуцкийдің карьерасы 2017 жылы қыркүйекте басталды. Бір жарым жылда қазақстандық тоғыз жекпе-жек өткізіп үлгерді және барлығында жеңіске жетті (сегіз нокаут). Жерлесіміз Қазақстан чемпионатын үш рет жеңген.