30 наурыз, 2020
Қазақстан 1 шілдеге дейін транзиттік жолаушылар үшін 72 сағаттық визасыз режимді тоқтатты, деп хабарлайды Stan.kz ақпарат агенттігі.
"Қазақстан Республикасына келудің, болудың және одан кетудің жетпіс екі сағаттық визасыз режимінің қолданылуы бөлігінде Қазақстан Республикасы Үкіметінің 2012 жылғы 21 қаңтардағы № 148 қаулысымен бекітілген Көшіп келушілердің Қазақстан Республикасына келуінің және онда болуының, сондай-ақ олардың Қазақстан Республикасынан кетуінің қағидаларының 26-1-тармағының қолданылуы 2020 жылғы 1 шілдеге дейін тоқтатыла тұрсын", - делінген премьер-министрдің сайтының хабарламасында
Аталған қаулы қол қойылған күнінен бастап қолданысқа енгізіледі.
Айта кетейік, 2018 жылғы сәуірден бастап Нұр-Сұлтан және Алматы халықаралық әуежайлары арқылы транзитпен өтетін Қытай мен Үндістан азаматтары үшін 72 сағаттық визасыз кіру режимі жұмыс істейді.
72 сағаттық визасыз режимді қолдана отырып, Қытай мен Үндістан азаматтарын әуежайда шекара қызметі тіркеді, оларға шекарадан өткен уақытты көрсететін көші-қон карталары берілді.
stan.kz
