22 Наурыз - Наурыз мейрамы туралы өлең: 13 наурыз 2019,

Су жылтырап бүрін ашқан жас талдан,
Бу бұрқырап қатып қалған тастардан.
Күн күркіреп, жасын ойнап аспаннан,
Бар тіршілік Наурыздан басталған!

Ел де тыныш!
Жер де тыныш – бұл күні,
Көреміз тек қуаныш пен күлкіні.
Табысқан жұрт таныс тауып жатады,
Жамалғандай жүректердің жыртығы!

Саф тыйылып Сарыарқаның бораны,
Күн өрлейді күмбезінен жоғары.
Наурыздың жиырма екісі толғанда,
Тоғысады тоғыз жолдың торабы...

Жылғалардан су аққанда сырғанап,
Шаң-тозаңнан тазарады нұрлы алап.
Толтырады шаңырақтың шаттығын –
Наурызбай, Ұлысжандар – іңгәлап?!

Жалғасады жақсылықтар – «Иә, сәт!»
Қарлығаштар үй сыртына ұя сап –
Жүрсе,Бақыт қонатынын хабарлап,
Бұлт көшеді ақ жаңбырын құя сап!

Жат боп бұрын бастары ешбір қосылмай,
Жүрген жандар таныс тапса – досындай.
Ол – осынау Наурыздың арқасы! –
«Ұлыс күннің» шапағаты осындай!

Автор: Мақсұт Неталиев

#өлең шумақтары #казакша туралы қазақша на казахском бесплатно скачать #қазақша өлең #22 наурыз мейрамы өлеңдер #22 наурыз туралы казакша олен #стихи на казахском языке про наурыз #22 Наурыз - Наурыз мейрамы туралы қазақша өлең #22 наурыз мерекесі өлеңдер өлең #Қазақша өлең: 22 Наурыз - Наурыз мейрамы #өлең жолдары #Қазақша өлең: 22 Наурыз - Наурыз мейрамы (Ұлыс күні) » ZHARAR © 2019 22 наурыз туралы казакша олен

22 Наурыз - Наурыз мейрамы туралы өлең