22 қаңтар, 2023
21 қаңтар күні сағат 18:51-де Щорса көшесінде көлемі 5 литр газ баллоны жарылған. ҚР Төтенше жағдайлар министрлігі баспасөз қызметінің хабарлауынша, өрт болған жоқ, алайда үш пәтерге айтарлықтай зақым келген. Шамамен 36 ш. м аумақ қираған.
“Жарылыссалдарынан 1970 жылы туған ер адам мен 1971 жылы туған әйел зардап шекті, олар күйік жарақатымен Қарағанды қаласының облыстық медициналық орталығына жатқызылды. Оқиға орнына жедел жәрдем күштері (36 қызметкер мен 8 техника) тартылды", - делінген хабарламада.
Қала әкімдігі зардап шеккен тұрғындарға жатақханадағы орындарды ұсынды.
Оқиғаның мән-жайы анықталады.
