23 қараша, 2018
Бүгін "Сарань-Қарағанды" жолаушылар автобусы "Фольксваген" жеңіл автокөлігімен соқтығысып қалды. Жол апаты салдарынан үш адам мерт болып, үш адам ауыр жарақат алды деп хабарлайды NUR.KZ тілшісі.
Көрнекі фото: rocketmotors.ru
Жол апаты Ақтас ауылының маңында болған. Оқиға орнында "Фольксваген" көлігіндегі екі жолаушы көз жұмса, үшіншісі ауруханада қаза тапқан.
"Ота жасап жатқанда үшінші жәбірленуші қаза тапты. Үш жәбірленуші амбулаториялық емдеуге жіберілді", - деді облыстық денсаулық сақтау басқармасының баспасөз қызметінде.
Қазір оқиға орнында жол-патрульдік полиция мен анықтаушылар жұмыс істеуде.
"Біздің көз алдымызда жедел жәрдем қызметі "Фольксваген" жүргізушісін ауруханаға алып кетті. Автобус жүргізушілері де зардап шекті", - дейді оқиға куәгерлері.
Автобус жолаушылары басқа қоғамдық көлікке ауыстырылды.
