12 қыркүйек, 2025
Жол апаты 11 қыркүйекте «Сокол» бау-бақша аумағында болған. Полиция дерегінше, жеңіл көлік жүргізушісі автобусқа жол бермей, автобусқа соқтығысқан. Салдарынан Hyundai жүргізушісі оқиға орнында, ал жолаушысы ауруханада қайтыс болды. Басқа адамдар зардап шеккен жоқ.
Қазіргі таңда тергеу амалдары жүргізіліп жатыр, іс полиция бақылауына алынған.
«Алдын ала мәлімет бойынша, Hyundai Accent жүргізушісі бұрылыс жасау кезінде жол бермей, автобуспен соқтығысқан. Жол апаты салдарынан жеңіл көлік жүргізушісі оқиға орнында қаза тапты, ал оның жолаушысы медициналық мекемеде көз жұмды. Басқа зардап шеккендер жоқ», – деп хабарлады Алматы облыстық Полиция департаментінің баспасөз қызметі.
