12 тамыз, 2021
Қарағанды облысындағы ауылдардың бірінің әкімі әйелді соққыға жықты деп күдіктелуде. Бұл туралы “Информбюро” бағдарламасы айтты.
Оқиға Қарағанды қаласында болған. Ауыл әкімі туыстарының үйіне келген. Лифте белгісіз бір әйелмен жанжал туындап, әкім әйелді ұрып тастаған.
54 жастағы әйел полицияға арыз жазды, бірақ сұхбат беруден бас тартты. Ол әкіммен жанжал не себеп болғанын да айтпады.
Ол сот-медициналық сараптамадан өтті. Сараптама нәтижесі бойынша әйелдің қабырғасының астыңғы бөлігі және балтыры көгергені анықталды.
Сараптама қорытындысына сәйкес, әйел денсаулығына жеңіл зиян келтірілген. Осакаров ауданы Пионерский ауылдық округінің әкімі еңбек демалысына кетті. Егер ақпарат расталса, оған 15 тәулікке қамау немесе 45 мың теңгеге жуық әкімшілік айыппұл, сондай-ақ мемлекеттік қызметшінің этикасын бұзғаны үшін тәртіптік жаза қолданылуы мүмкін.
https://www.youtube.com/watch?v=UU5LYmj-3M4&list=PLn2OyECVOtB-GL2eUDUhDSrWwuIjUw1Ea&index=10
“Бұл факті бойынша полиция қызметкерлері Осакаров ауданының 49 жастағы тұрғынын анықтады. Ер адамға қатысты 73-бап бойынша әкімшілік хаттама жасалған. Оған қатысты әкімшілік құқық бұзғаны үшін жаза тағайындалады”, – деп мәлімдеді Қарағанды облысы полиция департаментінің ресми өкілі Бақытжан Құдияров.
