6 ақпан, 2022
Informburo.kz сайтының қарауында криминалдық авторитет "Дикий Арманның" ұсталған сәті түсірілген видео пайда болды. Арнайы операция Алматыдағы қонақүйлердің бірінде өтті. Тінту кезінде ұсталған азаматтан қару табылды, деп хабарлайды "Адырна" ұлттық порталы.
"Дикий Арман" лақап атымен танылған криминалдық авторитет Арман Жұмағелдиевтің ұсталғаны 7 қаңтарда белгілі болды
2 ақпанда Арман Жұмагелдиевтің адвокаттары оның Алматы қалалық ҰҚК тергеу изоляторында екенін, оны полиция департаментінің уақытша ұстау изоляторынан ауыстырылғанын хабарлады.
Айта кетейік, Қазақстан президенті Қасым-Жомарт Тоқаев 29 қаңтарда «Хабар» телеарнасына берген сұхбатында қылмыстық топтардың бірінің мүшелері Алматыдағы бес жұлдызды қонақүйде тұрып жатқанын, ал командалық штаб «Қазақстан» қонақүйінің бірінші қабатында болғанын мәлімдеген болатын.
