Бүгін, 10:10
Әлемге танымал әнші Димаш Құдайбергеннің күйеу баласы Ермахан Аймахан әлеуметтік желідегі парақшасында ерекше фотоларын бөлісіп, жүрекжарды жазба жариялады, деп хабарлайды Ozgeris.info.
Ол қалыңдығы Раушан Құдайбергенге арнап сезімге толы сөздер жазған.
"Дәл өзіңдей қайдан ұқсын қайғымды ел,
Ғашық көңіл мәңгі жасыл айдын көл.
Ғашықтықпен өткен күндер ғана өмір,
Ал қалғаны – жай күндер…", – деп ол ақын Мұхтар Шахановтың өлең жолдарынан үзінді келтірген.
Желі қолданушылары Ермаханның бұл жазбасын жылы қабылдап, жас жұпқа ақ тілектерін жаудырды. Пікір білдіргендердің қатарында Димаштың анасы Света Айтбаева да бар.
"Тамаша жұп", "Бақытты болыңыздар", "Сондай сүйкімді", "Дорамадағыдай" деген сынды жылы лебіздер жазылған.
