20 желтоқсан, 2019
Қысқа сілтеме алу
https://sputniknews.kz/images/366/88/3668874.jpg
Sputnik Қазақстан
https://sputniknews.kz/economy/20191220/12338565/Toqaev-salyq-tapsyrma.html
Президент игерілмеген жер телімін қайтарып алу кезінде істі созбалаңға салудың түрлі айла-амалы орын алып жатқанын айтты
НҰР-СҰЛТАН, 20 желтоқсан – Sputnik. Қазақстан президенті Қасым-Жомарт Тоқаев пайдаланылмай бос жатқан жер телімдері үшін базалық салық мөлшерлемесін 10-нан 20 есеге дейін ұлғайту қажет деп санайды, деп хабарлайды Sputnik Қазақстан тілшісі.
"Пайдаланылмаған жер телімдері үшін базалық салық ставкасын 10-нан 20 есеге дейін ұлғайту қажет. Сондай-ақ, мәжбүрлі түрде алу үшін ауыл шаруашылығы жерлерін пайдаланбау мерзімін қазіргі екі жылдан бір жылға дейін қысқарту талап етіледі", - деді мемлекет басшысы ұлттық қоғамдық сенім кеңесінің отырысында.
Президенттің айтуынша, игерілмеген жер телімін қайтарып алу кезінде істі созбалаңға салудың түрлі айла-амалы орын алып жатыр.
"Үкімет тиісті құқықтық актілерді жедел қабылдап, игерілмей, бос жатқан жерлерді экономикалық айналымға енгізу шараларын қолға алуы тиіс", - деп тапсырды Тоқаев.
Тағы оқыңыз: "Шұғыл өзгеріс енгізуі тиіс": Тоқаев кеңесте маңызды мәселені көтерді
Президент жерді игере алатын адам ғана оның иесі болуға лайық екенін қадап айтты.
sputniknews.kz
