18 сәуір, 2019
Қысқа сілтеме алу
Қайғылы оқиғадан кейін үкімет үш күндік қаралы күн жарияланды
НҰР-СҰЛТАН, 18 сәуір – Sputnik. Португалиядағы Мадейра аралында туристер мінген автобус жол апатына түсті. Салдарынан 29 адам мерт болып, тағы 27-сі зардап шеккен, деп хабарлайды РИА Новости.
Қаза болғандардың барлығы Германиядан келген туристер екен. Қолда бар ақпаратқа сүйенсек, автобус жүргізушісі мен гид (екеуі де португалиялық) жарақат алған.
Қайғылы оқиға сәрсенбі күні 18:30 шамасында (астана уақытымен 23:30) болды. Жүргізуші рөлге ие бола алмағандықтан, автобус жолдан шығып кетіп, үйдің төбесіне құлаған.
Жергілікті БАҚ көлік ішінде ең кемі 51 адам болды деп хабарлап жатыр.
Португалия премьері Антониу Кошта твиттердегі парақшасында қаза тапқандардың отбасыларына көңіл айтты. Сондай-ақ, Германия канцлері Ангела Меркельге де көңіл айтқан.
Тағы оқыңыз: Қазақстанда тағы да 3 автобус соқтығысты – жантүршігерлік апаттың видеосы шықты
Прокуратура қазір тергеу жүргізіп жатыр. Трагедиядан кейін Мадейра үкіметі үш күндік қаралы күн жариялады.
sputniknews.kz
