6 сәуір, 2021
Павлодарда тұрғын үйдің дәлізінде асылып тұрған полицейдің денесі табылды.
5 сәуір күні Павлодар облысының полиция қызметкерінің өзін-өзі өлтіру фактісі бойынша полиция бөліміне қоңырау келіп түскен.
"Бұл факт тіркелді, Қылмыстық кодекстің 105-бабы бойынша сотқа дейінгі тергеі жүргізіледі. Сот-медициналық сараптама тағайындалды", - деп хабарлады полиция департаменті. Бұл туралы Stan.kz ақпарат агенттігі жазды.
Полиция басқа ақпарат тергеу мүддесіне сай таратылмайтынын атап өтті.
Расталмаған мәліметтер бойынша, 37 жастағы азамат подполковник шенінен айырылған, артынша осындай қадамға барған.
Еске салсақ, осыған дейін Атырау облысы Құрманғазы ауылында полиция қызметкері асылып қалғаны туралы жазған болатынбыз.
