10 қазан, 2025
Ведомствоның мәліметінше, кәмелетке толмағандарға қатысты қоғамдық орында бұзақылық жасау фактісі бойынша әкімшілік іс қозғалған.
Оқиғаға қатысқан жасөспірімдердің мектептерінде профилактикалық кеңес өткізіліп, олар мектепішілік есепке қойылды. Әр балаға жеке профилактикалық жұмыс жоспары бекітілген. Сондай-ақ балалармен және олардың ата-аналарымен психологиялық, педагогикалық және құқықтық түсіндіру жұмыстары жүргізілуде. Комитет өкілдері құқықбұзушылықтың салдары егжей-тегжейлі түсіндіріліп жатқанын атап өтті.
Материалдар кәмелетке толмағандардың істері және олардың құқықтарын қорғау жөніндегі комиссияның қарауына жіберілді.
Еске сала кетсек, бұған дейін әлеуметтік желіде жасөспірімдердің төбелесін бейнелейтін видео тараған болатын. Кадрда жерде жатқан баланы бір жасөспірім ұрып жатқан сәт түсіп қалған, ал үшінші бала жанжалды тоқтатуға тырысады.
