9 желтоқсан, 2019
Қысқа сілтеме алу
Ер адам дәлелдер болмаса да, көрші тұратын қарт әйелді өлтірді деп айыпталыпты
НҰР-СҰЛТАН, 9 желтоқсан – Sputnik. Қытайда ер адам өзі істемеген қылмыс үшін он бір жыл түрмеде отырған, деп хабарлайды AsiaOne.
2008 жылы 51 жастағы Ли Цзянонг 75 жастағы көрші әйел Цао Цзюйинді өлтіргені үшін сотталды. Сол жылы оған қатысты өлім жазасына кесу туралы үкім шықты.
Полиция мәліметінше, қылмыс құрбаны 2007 жылы қайтыс болды. Оның денесі цемент фабрикасы аумағындағы шұңқырдан табылды. Әжейдің аузына изолента жапсырылып, басында қатты заттан алынған соққыдан жарақат қалған.
Тағы оқыңыз: Түрмеден қарулы топ қашып кеткені рас па - ішкі істер министрлігі жауап берді
Сол кезде полиция қарияны көршісі өлтіруі мүмкін деген шешімге келген. Бірақ тергеу қылмыскердің себептерін анықтай алмаған, өлтірген зат пен қылмыс орнын да таба алмаған.
Он жыл өткен соң айыпкердің туыстары істің қайта қаралуына қол жеткізді. Осы жолы сот оның кінәсінің дәлелдері жеткіліксіз деген қорытындыға келді. Бұдан кейін сот үкімді жоққа шығарды.
sputniknews.kz
