Бүгін, 11:05
Танымал әнші Мұқасан Шахзадаев Ғалымжан Сүлейменді соққыға жықты деген дерек бойынша қылмыстық іс қозғалған еді. Алайда жәбірленушінің айтуынша, іс әлі күнге дейін сотқа жетпей, құзырлы органдар тарапынан созылып келеді, деп хабарлайды kznews.kz.
Ғалымжан Сүлеймен бұл жағдайды белгілі бір тұлғалардың ықпалымен байланыстырады. Ол өзіне қысым жасалып жатқанын айтып, өміріне қауіп төніп тұрғанын мәлімдеді.
Жәбірленушінің сөзінше, жақында оны көшеде екі жігіт ұстап алып, қорқытқан.
"Тіпті көлігімнің дөңгелектерін босатып кеткен жағдайлар да болды. Қазір өз өмірім үшін қатты қорқамын", – дейді Ғалымжан.
Ол бұл әрекеттердің артында белгілі бір топтардың мүддесі болуы мүмкін екенін меңзеді. Жәбірленуші істің әділ тергеліп, сотқа жеткізілуін талап етіп отыр.
