Өлең: Мұқағали Мақатаев (Өкпелетті дей алман өмір мені)

Өкпелетті дей алман өмір мені,
Кейбір ойым ұшқанда көңілдегі.
Салауат боп, сал денем жеңілдеді.
Қуантты да дей алман өмір мені,
Кезбе бұлттай кей ойлар көгімдегі
Нөсерлетіп, қайтейін, төгілмеді.
Өкпелетті дей алман өмір мені,
Барды-жоқты бөлістім елімдегі,
Соны көрдім, көрсе егер, елім нені...
Қуантты да дей алман өмір мені,
Көп несібем құныға желінбеді,
Жалтақ-бақыт жалт етіп көрінбеді