НҰР-СҰЛТАН, 3 шілде — Sputnik. Қазақстанның тұңғыш президенті Нұрсұлтан Назарбаевтың баспасөз қызметі Елбасының ресми сайтын іске қосты.
"Достар, Тұңғыш президенттің ресми интернет-ресурсы Elbasy.kz іске қосылды. Жаңа сайтқа ескертпелеріңіз бен ұсыныстарыңыз болса, осы жазбада қалдырыңыздар", - деп жазды Twitter-де Қазақстанның тұңғыш президентінің баспасөз хатшысы Айдос Үкібай.
Бұған дейін Айдос Үкібай жаңа порталға Нұрсұлтан Назарбаев баға беріп үлгергенін хабарлаған еді.
Сайтта ақпарат үш тілде – қазақша, орысша және ағылшынша жарияланады.
Қолданушылар Назарбаевтың кітаптары мен мақалалары, сөйлеген сөздері, жолдаулары мен сұқбаттарымен таныса алады. Сондай-ақ порталда медиагалерея орналастырылған.
Сайтта Тұңғыш президент қоры мен Тұңғыш президент кітапханасының жаңалықтары да жарияланады.