Бүгін, 13:33
Әзілкештің айтуынша, өзі түсірген «Бауыр» фильмі 5 қарашадан бастап көрерменге жол тартады.
Белгілі әзілкеш Жанболат Найзабеков тележүргізуші Динара Сәтжанға әлеуметтік желі арқылы әзіл аралас өтінішін жеткізді. Ол Жұмабек Жанықұлмен кездесу ұйымдастыруға көмектесуін сұраған, деп хабарлайды kznews.kz.
Осыған орай ол премьера алдында Жұмабек Жанықұлмен жүздесуді жоспарлап отырғанын әзілмен жеткізген.
«Динара, менің “Бауыр” деген кином 5 қарашадан бастап шығады. Соған 3 қарашада барып, ағаға құлағымды шеркізіп алсам, бос па екен?» – деп жазды Жанболат Найзабеков.
Әзілкештің бұл жазбасы желі қолданушыларына ұнап, оқырмандар оның тапқырлығына қатысты жылы пікірлер қалдырған.
