Бүгін, 12:41
Танымал қазақстандық комик Нұрлан Сабуровтың шетелдегі өнер көрсету мүмкіндіктері біртіндеп қысқарып барады. Ресейден депортацияланып, Қытайдағы концерттері өтпей қалған әзілкешке енді Молдова да шектеу қойды, деп хабарлайды kznews.kz.
Молдова Мәдениет министрлігі Диана Арбенина, Нұрлан Сабуров және Олег Винниктің қатысуымен өтетін іс-шараларды орынсыз деп санайтынын ресми түрде мәлімдеді. Осыған байланысты ұйымдастырушыларға аталған әртістермен жасалған келісімшарттарды бұзу ұсынылған.
Айта кетейік, Сабуровқа қатысты мәселелер тек шетелде ғана емес, Қазақстанда да талқыланып жатыр. Бұған дейін Ұлттық қауіпсіздік комитеті оның Украинадағы соғысқа байланысты қаржылық әрекеттерге қатысы болуы мүмкін деген күдікпен тексеру жүргізіп жатқаны хабарланған еді.
Бұл жағдайлар комиктің халықаралық деңгейдегі мансабына әсер етіп, гастрольдік жоспарларының өзгеруіне әкеліп отыр.
