НҰР-СҰЛТАН, 28 желтоқсан — Sputnik. Нұр-Сұлтанда су құбыры жарылып, елордалықтар суық сусыз қалды.
Су басқан көшенің видеосы әлеуметтік желіде тарап кетті. Қазір Алматы ауданында апатты жою жұмыстары жүргізіліп жатыр, деп хабарлады әкімдік "Астана Су Арнасы" кәсіпорнына сілтеме жасап.
"Су құбырып жарылып, Ақбұлақ-2" ықшамауданы, Тоқырауын көшесінде су сөндірілді. Мына мекен-жайлар бойынша тұрғындар суық сусыз қалды: Тоқырауын көшесі 8, 10, 12, Шарль де Голь көшесі 3/1, 5, 7, 9, сондай-ақ Сарқырама, 4, Тоқпанов, 35/1, Моңғолия елшілігі", - делінген хабарламада.
Апатқа байланысты су сағат 16.00-де сөндірілді, жұмыстар 23.59-де аяқталады деп көзделген.