Бүгін, 09:32
Мейрамбек Беспаевтың блогер Сабина Мовлаевамен шоу кезінде амандасу сәті әлеуметтік желіде қызу талқыланды, деп хабарлайды kznews.kz.
«Cover Show» бағдарламасында төрелік еткен әнші блогермен амандасқанда оны белінен құшақтап алған. Бұл әрекет көрермендер мен желі қолданушылары арасында наразылық туғызды. Өз кезегінде Сабина Мовлаева бұл сәтте қобалжып, өзін жайсыз сезінгенін айтқан.
Пікір білдірушілердің басым бөлігі әншінің әрекетін қолдамаған. Олар «Неге белінен құшақтап амандасты?», «Тым жақын адамдай әрекет етті», «Бұл ерсі көрінеді» деген сыни көзқарастарын жазған. Кейбір қолданушылар әзілмен де пікір қалдырған.
Жалпы, шоу барысында Беспаев қатысушыларға жылы қарым-қатынас танытқанымен, дәл осы әрекеті көпшілік арасында екіұдай пікір қалыптастырды.
