Танымал продюсер жобадағы қатысушылардың бірі Тұрарға пікір білдіру кезінде қазіргі жастардың ән айту мәнеріне қатысты ойын ашық жеткізді.
«Дикцияң, сөйлеген сөзің таза, акцентің жақсы. Түсінікті. Қазір мұрын астынан өлең айтатындар көбейіп кетті ғой. "Ешкімді сүймеймін, ешкім ұнамайды" деп, не айтып жатқанын түсінбей қаласың. Біз сияқты ескі адамдар үшін бұл маңызды нәрсе», – деді Баян Мақсатқызы.
Оның бұл сөздері студиядағы Тұрарды сәл ұялтқандай болды – жас орындаушы күлкімен жауап қатты.
Алайда, желі қолданушыларының арасында продюсердің бұл сыны қызу талқыға түсті. Көпшілік Баян Мақсатқызын өзге орындаушыларды сынағаны үшін сынап, түрлі пікірлер қалдырды:
«Кешьюдің әндерін дикциясы керемет болса да, ешкім білмейді»,
«Бағым екеуінің әдеті ғой – біреуді сынау»,
«Бір-бірін мойындамайтындарды неге бір жюриге отырғызады?»,
«Өзі ән айтып жүргендей сөйлейді» – деп жазды әлеуметтік желі қолданушылары.
Айта кетейік, Баян Мақсатқызы мен Бағым Мұқатай продюсерлік еткен “The Voice of Kazakhstan” шоуының жаңа маусымы эфирге шыққалы бері жиі қоғамдық талқыға түсіп жүр.
