Колумбияның Антиокия провинциясында қайғылы оқиға болды. Ішінде 40 түлек отырған мектеп автобусы шамамен 20 метр биіктіктен шатқалға құлап, ауыр апатқа ұласты, деп хабарлайды MadeniPortal.kz.
Оқиға салдарынан 17 жас қаза тауып, 20-ға жуық оқушы жарақат алды.
Жергілікті БАҚ-тың мәліметінше, жасы 16 мен 18 аралығындағы оқушылар бұл сапарды өздері ұйымдастырған. Автобуста бірде-бір мұғалім болмағаны анықталды.
Жарақат алғандар жақын маңдағы ауруханаларға жеткізілді. Қазіргі уақытта құтқарушылар апат орнында жұмыс істеп жатыр. Билік провинция бойынша барлық медициналық мекемелерді шұғыл көмек көрсетуге жұмылдырған.
