Бүгін, 15:04
Жетісу облысында Mercedes-Benz Sprinter шағын автобусы КамАЗ жүк көлігімен соқтығысып, екі адам қаза тапты. Тағы 10 адам түрлі жарақатпен ауруханаға жеткізілді.
Жол-көлік оқиғасы Алматы – Өскемен тасжолының 143-шақырымында болған.
Полицияның алдын ала мәліметінше, оңтүстік бағытта қозғалып келе жатқан Mercedes-Benz Sprinter шағын автобусы алдында жүрген КамАЗ жүк көлігінің тіркемесіне соғылған.
"Алматы – Өскемен автожолының 143-шақырымында Mercedes-Benz Sprinter мен КамАЗ жүк көлігінің қатысуымен жол-көлік оқиғасы орын алды. Алдын ала мәліметтер бойынша, оңтүстік бағытта бара жатқан Mercedes-Benz Sprinter жүргізушісі алда бара жатқан КамАЗ-дың тіркемесіне соғылған. Жол апаты салдарынан екі адам оқиға орнында көз жұмды. Ал Sprinter-дің тағы он жолаушысы түрлі жарақаттармен медициналық мекемеге жеткізілді", – делінген полиция хабарламасында.
Қайғылы оқиғадан кейін қылмыстық іс қозғалды. Қазіргі уақытта сотқа дейінгі тергеу жүргізіліп, апаттың нақты себептері мен мән-жайы анықталып жатыр.
Шағын автобус жүргізушісі ұсталып, уақытша ұстау изоляторына қамалды.
Полиция жүргізушілерге жол қозғалысы ережелерін сақтап, қауіпсіз жылдамдықт
