2025 жылдың 5–10 желтоқсан аралығында Қытайдың Харбин қаласында Шанхай ынтымақтастық ұйымына (ШОС) мүше және бақылаушы мемлекеттердің 2007–2008 жылы туған жас боксшылары арасында халықаралық турнир өткізілді.
Жарысқа Қытай провинцияларының командалары, сондай-ақ Ресей, Қазақстан, Өзбекстан, Қырғызстан, Беларусь, Тәжікстан және Моңғолия спортшылары қатысты.
Қостанайлық жас боксшы, МОО «Дала Қырандары» қыраны Айдос Үсенов 54 келі салмақ дәрежесінде үш жекпе-жек өткізіп, сенімді түрде финалға жолдама алды. Шешуші кездесуде Беларусь спортшысына төрешілердің 3:2 есебімен бөлінген шешімі бойынша жол беріп, күміс медаль иегері атанды.
Айдос жарыс барысында ерекше табандылық танытқаны үшін «Жеңіске деген жігері үшін» арнайы сыйлығымен марапатталды.
«Дала Қырандарының» өкілі Айдос Үсенов Қытайдағы халықаралық турнирде күміс жүлде иеленді
12 желтоқсан, 2025
Айжан Сыланова
2023 жылдан бастап Kznews.kz сайтында тілші қызметін атқарады. Әл-Фараби атындағы ҚазҰУ түлегі. Аймақтық және интернет-басылымдарда еңбек өтілі бар.