Бүгін, 20:39
Спорт қауымдастығында соңғы уақытта мәнерлеп сырғанаушы Михаил Шайдоровтің жетістіктеріне қатысты түрлі пікірлер мен талқылаулар жиілеген. Осыған байланысты "Шайдоровпен болып жатқан мәселе Спорт және туризм министрі Ербол Мырзабосыновқа қатысты ұйымдастырылған ақпараттық науқан болуы мүмкін бе?" деген сұрақ қойылды, деп хабарлайды kznews.kz.
Министр бұл мәселеге баға беруде асығыстық танытпай, пікірталасты фактілерге негіздеу қажет екенін атап өтті. Оның айтуынша, спорттағы сын орынды болғанымен, ол нақты деректерге сүйенуі тиіс.
Соңғы айларда Михаил Шайдоровтың жетістіктері төңірегінде түрлі көзқарастар айтылып келеді. Алайда министр мұндай пікірталастар кезінде спортшының күнделікті еңбегі мен нақты нәтижелері назардан тыс қалып жатқанын меңзеді.
Ербол Мырзабосынов ақпараттық текетірестердің ең алдымен спортшылардың өзіне кері әсер ететінін айтып, қоғамды Қазақстанның намысын халықаралық аренада қорғап жүрген спортшылардың жетістіктерін көбірек насихаттауға шақырды.
Министрдің бұл мәлімдемесі спортшы төңірегіндегі талқылаулардың қоғам назарында тұрғанын тағы бір мәрте көрсетті.
