Шоу-бизнес
Миланда жеңген қазақ баласы ауру балаларға көмектесіп жүр
Жастайынан маникюр жасаумен айналысатын қазақстандық Миланда өткен байқауға қатысып, жеңімпаз атанды. Қуанышты жаңалықты жасөспірімнің өзі хабарлады. Ал анасы Сания Рахымова байқауға 190-нан астам адам қатысқанын айтып өтті.
13 жастағы нейл-стилист жеңісі туралы қуанышты жаңалығын бөлісті. Ол Миланда өткен халықаралық байқауда басжүлде алған. Байқау онлайн форматта өтті. Арулаттың анасы аталған байқауда 19 мемлекеттен 190-нан астам адамның өз жұмысын ұсынғанын айтты.
Сондай-ақ, әйел ұлының Жаңа жыл қарсаңында қайырымдылық акциясын өткізгеніне тоқталды. Ауруға шалдыққан балаларға түрлі сыйлық сыйлап, азық-түлік үлестірген.
«Бәрі риза. Арулат екі есе риза шығар. Ол балалардың қуанғанынан ләззат алатынын айтады. Бір шетінен олардың ауырып жатқаны көңілді түсіреді. Бірақ жақсы істер жасаған жақсы», — дейді Сания Рахимова.
Арулат азық-түлікті өз ақшасына алған. Сондай-ақ, сыйлықтарды да өзі таңдаған.