Instagram желісінде Maral Media есімімен танымал журналист өз парақшасында жаңа жазба жариялады, деп хабарлайды kznews.kz.
Ол аталмыш жазбасында КСРО Халық әртісі Асанәлі Әшімовке жан тебірентерлік сөз арнады.
"Даралығы даналығына ұласқан нағыз аңыз, нағыз абыз. "Менде бизнес жоқ. Қолымнан келмейді. Менің бизнесім – абыройым. Мешіт салдым, жартысын жігіттер көтерді. Үй салдым, жартысын жігіттер көтерді. Ол – абырой. Оған жету үшін көп еңбектенесің. Дарыныңды саудаламай, жотаң бүкірейгенше жұмыс істейсің", – деп еді. Қас жақсының белгісі, қандай қайғы көрсе де, "аһ!" ұрмайды деуші еді. Асанәлі ата қандай қайғы көрсе де, сыры мен мұңын өзімен бірге ала кетті. Алладан келдік, Аллаға қайтушымыз", – деп жазды журналист.
