Бүгін, 14:22
Заңгер Мейірман Шекеев әнші Аша Матайдың өзіне қатысты айтқан пікіріне жауап беріп, мәлімдеме жасады, деп хабарлайды kznews.kz, qaz.inform-ге сілтеме қалдыра отырып.
Шекеевтің айтуынша, Аша Матай оның сөзін дұрыс түсінбеген.
«Кейбіреу деп кемсіткенін естідім. Бірақ Аша Матай менің айтқанымды дұрыс түсінбеген сияқты. Тәрбиенің бұл жерге қандай қатысы бар екенін де түсінбедім», - деді ол.
Заңгер бұл мәселеге қатысты алдағы уақытта толық жауап беретінін де айтты.
Сондай-ақ ол өз сөзінің бұрмаланғанын айтып, тіпті сотқа жүгінуі мүмкін екенін жеткізді.
«Мен бұл мәселеге толық жауап беремін. Тіпті Аша Матайды менің сөзімді бұрмалағаны үшін сотқа беруім де мүмкін», - деді Мейірман Шекеев.
Айта кетейік, бұған дейін Аша Матай жария пікірталасқа қатысудан бас тартып, мұны тәрбиесімен және ер адамдармен сөз таластырғысы келмейтінімен түсіндірген еді. Осыдан кейін екі тараптың арасында әлеуметтік желіде пікірталас жалғасып жатыр.
