24 желтоқсан, 2018
Қазақ халқының сүйікті ұлы Мейрамбек Бесбаевқа “даусы жоқ” деп баға бергені үшін Халық артисі Роза Рымбаеваның басы дауға қалды.
Қазақ халқының сүйікті ұлы Мейрамбек Бесбаевқа “даусы жоқ” деп баға бергені үшін Халық артисі Роза Рымбаеваның басы дауға қалды. Көптеген тыңдармандар сұхбаттың толық нұсқасын көріп үлгерместен, Роза Қуанышқызын жерден алып, жерге салған. Бұл ретте Мейрамбек Бесбаев өнердегі әпкесін жақтап, оған тіл тигізбеуді өтінді, деп жазады Stan.kz.
“Ардақты достар, алып-қашпа сөзге ермей, алауыздық тудырмай әліптің артын баққанымыз жөн. Менің бағамды көтерем деп, менің әпкем – қазақтың біртуар қызы Роза Рымбаеваның беделіне нұқсан, абыройына тіл тигізбейік!” – деп пікірін білдірді ол Instagram-дағы парақшасында.
Айта кетейік, Тимур Балымбетовке берген сұхбатында Роза Қуанышқызы Мейрамбектің асқан даусы болмаса да, оны бүкіл халық жақсы көретінін, өзі де жақсы көріп тыңдайтынын айтқан болатын.
Telegram арнасындағы маңызды жаңалықтар «zakon.kz». Жазылу!
