Парламент мәжілісі Ақтоты Райымқұлованы мәдениет және спорт министрі қызметіне тағайындауға келісім берді. Бұл туралы 17 маусымда мәжілістің баспасөз қызметі хабарлады.
Райымқұлованың кандидатурасын мәдени-әлеуметтік даму комитеті мақұлдады. Мәжіліске Райымқұлованың кандидатурасын премьер-министр канцеляриясының жетекшісі Ғалымжан Қойшыбаев таныстырды.
Райымқұлова Құрманғазы атындағы мемлекеттік консерваторияны "композиция және фортепиано" мамандығы бойынша тәмамдаған. 2016 жылдың қыркүйегінен бері мәдениет және спорт министрінің орынбасары болған. Бұл министрлікті Арыстанбек Мұхамедиұлы басқарады.
Azattyq
