27 наурыз, 2024
Мәскеудегі Crocus City Hall ғимаратында теракт жасады деп айыпталған төрт азаматтың туыстарынан жауап алынуда, деп хабарлайды Kznews.kz порталы Reuters агенттігіне сілтеп.
Тәжікстан қауіпсіздік қызметі айыпталушылардың туыстарын Душанбеге Вахдат пен Гиссар қалаларынан, сондай-ақ Рудаки ауданынан әкелген.
Ресей тергеушілері Тәжікстанға барып, ұсталған азаматтардың туыстарын тергеп жатыр.
Тәжікстан президенті Эмомали Рахмон тәжік тарапы жүргізіп жатқан тергеуді жеке бақылауға алған.
24 наурызда Ресей президенті Владимир Путинмен сұхбатында Рахмон Крокустағы лаңкестік әрекетті қатаң айыптап, «терроршылардың ұлты да, отаны да, діні де жоқ» деп баса айтты.
Ол қаза болғандардың отбасы мүшелері мен туған-туыстарына қайғырып көңіл айтып, зардап шеккендердің тезірек сауығып кетуін тіледі.
