17 наурыз, 2022
Халық артисі Мақпал Жүнісова сахнада ерсі қылық көрсетті, деп хабарлайды kznews.kz сайты exk.kz порталына сілтеме жасап.
Бейнежазбаны әншінің өзі желідегі парақшасына жүктеді.
Мақпал сахнада ән салып жүр. Сахнада өзін еркін сезініп, ән шырқап жүрген әнші сахнаның тура ортасына келген кезде оң аяғын көкке көтеріп қалады. Осы сәтті видеоға түсіріп тұрған "Алатау серілері" тобының жігіттері Халық артисінің ерсі қылығына күліп жібереді. Ал Жүнісованың өзі болса бұл әрекетін концертке дайындық кезінде "байқамай" жаттығу жасап қойғанымен түсіндіреді.
"Шпиондар алыстан түсіріп алыпты, дайындықта жаттығу жасап қойыппын", – деп ақталды Мақпал Жүнісова.
