3 маусым, 2026
Маңғыстау облысы Мұнайлы ауданында 12 жастағы баланың мәйіті табылды. Тұрғындардың айтуынша, баланың денесінде қылқындыру белгілері болған, деп хабарлайды kznews.kz.
Жедел жәрдем қызметі 1 маусым күні шақырту бойынша оқиға орнына барып, жасөспірімнің қайтыс болғанын растады.
Полицияның алдын ала мәліметінше, бала Атамекен ауылындағы аулада қолдан жасалған әткеншекте ойнап жүріп, жазатайым оқиға салдарынан ауыр жарақат алған. Аталған дерек бойынша қылмыстық іс қозғалып, оқиғаның мән-жайын анықтау үшін тергеу жүргізіліп жатыр.
