28 желтоқсан, 2018
Манбидж қаласы Сүрия үкіметіне қайтарылды. Бұл туралы Reuters агенттігі хабарлады.
Сүрия қарулы күштері Манбиджге ту тігіп, қаланы ресми түрде Сүрияға тиесілі деп жариялады. Маусымда ресми Анкара мен Уашингтон Манбиджді қауіпсіздікпен және тұрақтылықпен қамтамасыз етуді үш кезеңмен жүзеге асыруға келіскен еді. Осыған байланысты АҚШ-тың мемлекеттік департаменті Түркиямен бірге күрд отрядтарын Манбиджден шығару кестесін дайындаған. Алғашқы кезеңде күрд жасақтары Манбиджден шығарылды. Екінші кезеңде қала 45 күн бойына бақылауға алынды. Ал үшінші кезеңде жергілікті билік құрылды.
Айта кетейік, бұған дейін солтүстіктегі шаһар күрд жасақтарына қарасты болып келген еді. Сондай-ақ күрд жасақтары 2016 жылдың маусымында аталған ауданды ДАИШ ұйымынан босатқан болатын.
